دنیا کے کسی کونے میں چاند ہوجائے تو پوری دنیا میں عید منائی جائے گی ، آیۃ اللہ العظمی حافظ بشیر نجفی کا فتوی
نجف اشرف (ولایت نیوز مانیٹرنگ ڈیسک )آیۃ اللہ العظمی حافظ بشیر نجفی نے ایک سوال کے جواب میں کہا ہے کہ دنیا کے کسی بھی حصے میں چاند نظر آجائے تو پوری دنیا میں عید منائی جا ئے ہے
آیۃ اللہ حافظ بشیر نجفی مدظلہ العالی کی ویب سائٹ کے مطابق جب درج ذیل سوال پوچھا گیا تو اس کا جواب اس انداز میں دیا گیا۔
- سوال:کیا عید کے چاند کے ثابت ہونے کی شہادت ہونے چاہیے ؟ کیا چاند کی کو جدید ٹیکنالوجی کے ساتھ دیکھا جا سکتا ہے ؟ کیا آپ کے مقلد کو عید آپ کے ساتھ منانی چاہیے یا اپنے ملک کے ساتھ منانی چاہیے؟ اگر میں پاکستان اور آپ نجف میں رہتے ہیں؟
جواب:بسمہ سبحانہ ۱. حضرت آیت العظمٰی مرجع کبیر الشیخ بشیر حسین النجفی (دام ظلہ الوارف) کے فتوی کے مطابق دنیا کے کسی کونے میں چاند ہو جائے تو پوری دنیا میں عید منائی جائے گی ۔ واللہ العالم بسمہ سبحانہ ۲. جدید آلات سے چاند کو اور اس کی جگہ کو معین ومشخص کر سکتے ہیں لیکن وہ احکام شرعیہ کے لئے کافی نہیں ہے جب کہ آپ اس کو اپنی آنکھ سے بغیر جدید آلات کے نہ دیکھیں ۔ واللہ العالم بسمہ سبحانہ ۳. جواب بالا سے یہ مطلب واضح ہو جاتا ہے ۔ - https://www.alnajafy.com/list/mainnews-3-677-71.html
