نامِ محمد مصطفیٰؐ ،نامِ علیؑ عالی مُقام!۔۔۔کِتنا بابرکت ہے ، حضرت قائداعظمؒ کا نام
کِتنا بابرکت ہے ، حضرت قائداعظمؒ کا نام
کلام : شاعر و کالم نگار اثر چوہان (حسینی راجپوت) ۔ بشکریہ روزنامہ نوائے وقت
نامِ محمد مصطفیٰؐ ،نامِ علیؑ عالی مُقام!
کِتنا بابرکت ہے ، حضرت قائداعظمؒ کا نام
…O…
جب مُقّدر کُھل گیا، اِسلامیانِ ہِند کا!
قائدِ ذِی شانؒ اُبھرا، صُورتِ ماہِ تمام!
…O…
اُس کی اِک آواز پر ، ہم جانبِ منزل چلے!
کر گیا محسور سب کو، حُسنِ ذات، حُسنِ کلام!
…O…
ٹوٹ کر، گِرنے لگے، ہر سُو، اندھیروں کے صَنم!
رَزم گاہ میں ، آیا جب، وہ عاشقِ خَیرُ الانامؐ!
…O…
سامراجی مُغ بچےؔ بھی ، اور گاندھیؔ کے سپُوتؔ!
ساتھ میں رُسوا ہوئے، فتویٰ فروشوؔں کے اِمام!
…O…
یہ ترا اِحسان ہے ، کہ آج ہم آزاد ہیں!
اے عظیم اُلشان قائدؒ! تیری عظمت کو سلام!
…O…
اپنے نصب اُلعین کی، تکمیل کرسکتے ہیں ہم!
قُطبی تارے کی طرح ، رَوشن ہے قائدِ ؒکا پیام!
…O…
اِس طرح دِل میں بسائیں، قائداعظمؒ کی یاد!
مُلک میں قائم کریں ، مضبوط جمہوری نظام!
…O…
مشورہ اِک ، ساقی، دَوراؔں کو، دینا ہے اثرؔ!
اِس طرح محفل سجے، کوئی رہے نہ تَشنہ کام!
