تحریک نفاذ فقہ جعفریہ محرم کمیٹی عزاداری سیل نےمحرم کنٹرول رومز کا اعلان کردیا
تحریک نفاذفقہ جعفریہ نے عزاداروں کی سہولت کیلئے عزاداری کنٹرول روم قائم کر دیئے
وفاقی و صوبائی حکومتیں کنٹرول روم تشکیل دیکرکر ٹی این ایف جے کی محرم کمیٹی عزاداری سیل سے مربوط کریں،ہمارے کنٹرول روم 24گھنٹے کھلے رہیں گے
الیکٹرانک میڈیا پر عشرہ محرم کے دوران رقص و سرور،میوزک،ڈرامے فی الفور بند کئے جائیں۔علامہ بشارت حسین امامی کا محرم کمیٹی کے اجلاس سے خطاب
اسلام آباد(ولایت نیوز ) تحریک نفاذِ فقہ جعفریہ پاکستان کی مرکزی محرم کمیٹی عزاداری سیل کا اہم اجلاس مرکزی کنونیرعلامہ راجہ بشارت حسین امامی کی زیرصدارت منعقدہواجس میں محرم الحرام کے انتظامات کا تفصیلی جائزہ لیاگیا۔کمیٹی کے ایڈیشنل سیکرٹری بوعلی مہدی نے اجلاس میں رپورٹ پیش کرتے ہوئے بتایا کہ ایام عزاء کے عزت و احترام کے پیش نظر اور قوم و ملک کے مفادات کو مقدم رکھتے ہوئے امن کے قیام کو یقینی بنانے کیلئے اور عزاداروں کی سہولت کیلئے وفاقی دارالحکومت اسلام آباد اور پانچوں صوبوں بشمول آزاد کشمیرمیں محرم الحرام کے موقع پر کنٹرول روم قائم کردیئے گئے ہیں جو8ربیع الاول تک کام کرتے رہیں گے۔
ٹی این ایف جے کی مرکزی محرم کمیٹی (عزاداری سیل) کا کنٹرول روم 24 گھنٹے کھلا رہے گا۔انہوں نے عزاداروں سے کہا کہ وہ کسی بھی ممکنہ مسئلہ کے حل کیلئے فون(051-4410180,4570699,0334-5765679, 0345-5291412 پر رابطہ کر سکتے ہیں۔
اجلاس میں ذوالفقارعلی راجہ وفاقی دارالحکومت اسلام آباد سید حسن کاظمی پنجاب،علامہ سیدمحمدعلی زیدی آل قاسم سندھ، مولاناملک اجلال حیدری خیبر پختونخوا سردارازاہران جعفری بلوچستان،ساجدحسین کاظمی آزاد کشمیراورپروفیسر ثمر الحسن غفاری گلگت بلتستان کی محرم کمیٹی عزاداری سیل کے کنوینر مقررکیے گئے جبکہ بیرونی ممالک میں امریکہ ا کرار حیدر نقوی،علامہ محمدعلی کاظمی، چوہدری تسنیم عباس،چوہدری عباس،ملک سلمان حیدری،انگلینڈڈاکٹرایس زیڈ نقوی،زین کاظمی،مجتبیٰ کاظمی ،غضنفرمیر،اسحاق شاہ، سید منور کاظمی، فرانس، علامہ مرتضیٰ علی حیدری، واحد جعفری، ملک تنویر، سویڈن سیدشیرازشاہ، ناظم عباس جعفری،جرمنی سیدشجاع حیدرزیدی سیداختر عباس بلجیم علامہ درنجف، ڈنمارک باواعطی شاہ اٹلی سیدعترت امیرشاہ، سیدتاشف نقوی، اسرار نقوی، ملک محسن حیدر، سیدشہزادنقوی اسپین علامہ باقرحسین نقوی، چوہدری مرتضیٰ زوارسبط شاہ، زوارشہبازاختر، یونان باواسیداسد شاہ، سائپرس علامہ امیرشاہ، پرتگال چوہدری ارشدساوتھ افریقا سیدعبیرالحسن جعفری، سیدجوادنقوی،مالٹاسیدخاورعباس رضوی، ناروے سیدقلبی شاہ، کینیڈا سیدہادی جعفری، سیدزین جعفری، یواے ای محمدعباس جعفری، سوئٹرزلینڈ سیدضمیرالحسن شاہہونگے جن کے کوائف ٹی این ایف جے کی ویب سائٹ پر ملاحظہ کیے جاسکتے ہیں۔
علامہ بشارت امامی نے عزاداران حسین ؑ سے اپیل کی کہ وہ تحریک نفاذفقہ جعفریہ پاکستان کے سربراہ علامہ آغاحسین مقدسی نے قائدملت جعفریہ آغا حامدعلی شاہ موسوی ؒ کی تاسی میں جو ضابطہ عزاداری جاری کیا ہے اس پر پر سختی کیساتھ عملدرآمد کریں اور فرزندِ رسول ؐ کی لازوال اور انمول قربانی کو اُجاگر کرتے ہوئے عزاداری کو ہر شے پر ترجیح دیں۔نیز اتحاد و اخوت کا عملی مظاہرہ کرکے دنیا پر ثابت کردیں کہ ہم تمام مکاتب شیر و شکر ہیں اور مشترکہ دشمن کو ناکام کرنے کیلئے اسکے مقابلے میں سیسہ پلائی ہوئی دیوار ہیں۔انہوں نے حکومت سے پرزورمطالبہ کیا کہ وفاقی وزارت ِ داخلہ،وزارتِ مذہبی امور اور سارے صوبوں اور ضلعی سطح پر عزاداری کنٹرول قائم کرنے میں تاخیر نہ کرے اور وہ ٹی این ایف جے کی محرم کمیٹی عزاداری سیل سے مربوط رہیں اورذرائع ابلاغ پر انکی تشہیر کی جائے تاکہ عزت و احترام اور سکون کیساتھ عزاداری کے پروگرام منعقد ہوسکیں۔
انہوں نے الیکٹرانک میڈیا پر عشرہ محرم کے دوران رقص و سرور،میوزک،ڈرامے فی الفور بند کرنے کا پرزور مطالبہ بھی کیا۔اجلاس میں مرکزی محرم کمیٹی عزاداری سیل کے عہدیداران علا حیدر،قاسم الحسینی، حاجی مختارشاہ،،ذوالفقار علی راجہ،سید ارشاد نقوی،محمدعباس نے بھی خطاب کیا۔
