سعودی سفیر کربلا پہنچ گئے؛ مشرقی سعودی عرب کے شیعیان علیؑ کیلئے خوشخبری

کربلائے معلی (کربلا انٹرینیشنل نیوز ایجنسی) عراق میں سعودی عرب کے سفیر عبد العزیزالشماری اور ان کے ہمراہ وفد نے کربلا معلی میں امام حسین علیہ السلام کے روضہ مبارک پر حاضری دی ۔

حرم امام حسین ؑ کے سیکرٹری جنرل جناب حسن راشد العابیجی نے وفد کا استقبال کیا اور حرم امام حسین علیہ السلام کی تاریخ اور زائرین کو دی جانے والی خدمات کے بارے میں سعودی مہمانوں کو تفصیل سے آگاہ کی اور اس دورہ کو دونوں اسلامی ممالک کے درمیان امن و محبت کا ستون قراد دیا۔

دوسری جانب سعودی عرب کے سفیر نے کہا کہ میں پہلی بار کربلاء آیا ہوں یہاں آکر مجھے دلی طور پر خوشی محسوس ہوئی انہوں نے کہا ہم عراق کے ساتھ مشترکہ طور پر اقتصادی، سیاسی اور مذہبی مشترکات میں ایک دوسرے کے ساتھ مل کر چلنے کے خواہاں ہے اور دونوں اسلامی ممالک کے درمیان تعلقات کو برقرار رکھنے پر زور دیا اور کہا کہ تاریخی شہر کربلا کے دورے کو سعودی عرب اور عراق کے درمیان مذہبی بھائی چارے اور مذہبی ہم آہنگی کے فروغ کی کوششوں قرار دیا۔

سعودی سفیر نے حرم کی انتظامیہ کی طرف سے پرتپاک استقبال اور شاندار مہمان نوازی کو بھی سراہا اور شکریہ ادا کیا۔

یاد رہے کہ سفیر عبدالعزیز الشماری کا کربلا کا دورہ سعودی سول ایوی ایشن اتھارٹی کی جانب سے 26 اپریل کو مملکت کے مشرق میں واقع شیعہ اکثریتی آبادی کے شہر دمام سے عراقی شہر نجف کے لیے براہ راست پروازیں یکم جون سے شروع ہونے کے اعلان کے بعد آیا۔