قائد کی برسی : حسینیت ؑکے فروغ، دفاع وطن اور شیعہ سنی یکجہتی کیلئے ہر قربانی دینے کا عزم ، ایام ترویج موسوی کی مناسبت سے ملک بھر میں پروگراموں کا انعقاد

ترویج افکار موسوی کانفرنس کے شرکاء کا حسینیت ؑکے فروغ، دفاع وطن اور شیعہ سنی یکجہتی کیلئے ہر قربانی دینے کا عزم
ایام عزاحسینی محرم الحرام کیلئے خط موسوی پر چلتے ہوئے ضابطہ عزاداری کا اعلان کریں گے۔ علامہ آغاسیدحسین مقدسی
عزاداری پر کوئی رکاوٹ قبول نہیں کریں گے، کالعدم دہشت گرد گروپوں پر گرفت کی جائے، دہشت گردوں سے آہنی ہاتھوں سے نمٹا جائے
قائدملت جعفریہ آغاسید حامدعلی شاہ موسوی نے ساری زندگی غم حسین ؑکو ترجیح دی،، استعماری قوتیں ذکر حسین ؑکو مٹا دینا چاہتی ہیں
قائد ملت جعفریہ آقای موسوی نے مادیت کے بجائے روحانیت کا درس دیا، آغا موسوی کی ذات پر ان مجتہد اساتذہ نے بھی فخر کیا
ولایت علی ؑ نفوس کی طہارت کی ضمانت ہے۔سربراہ تحریک نفاذفقہ جعفریہ کاترویج افکار موسوی کانفرنس سے صدارتی خطاب
علمائے کرام،ذاکرین، واعظین، ٹی این ایف جے کارکنان،عزاداروں، بانیان مجالس، ماتمی سالاروں اورمختلف مکاتب فکر کے لوگوں نے بڑی تعدادمیں شرکت کی
کانفرنس سے صوبائی وزیر صحت ڈاکٹر جمال ناصر، علامہ بشارت امامی، علامہ اظہر حیدری، علامہ محمد علی زیدی، علامہ قمر زیدی،ذاکر غلام عباس جپہ، ذاکریاسرجھنڈوی ذیشان ناصر کا خطاب

راولپنڈی( ولایت نیوز)سرپرست اعلیٰ سپریم شیعہ علماء بور ڈ قائد ملت جعفریہ آغا سید حامد علی شاہ موسوی النجفی ؒ کے پہلی برسی کے سلسلہ تحریک نفاذ فقہ جعفریہ کی ترویج افکار موسوی کانفرنس ملک گیر اجتماع ہیڈکوارٹرز مکتب تشیع علی مسجد سیٹلائیٹ ٹاؤن راولپنڈی منعقدہوا جس میں علمائے کرام،ذاکرین، واعظین، مذہبی، سیاسی وسماجی رہنماؤں اورملک بھرسے ٹی این ایف جے کارکنان،عزاداروں، بانیان مجالس، لائسنس داران، ماتمی سالاروں، وکلا، تاجربرادری اورمختلف مکاتب فکر کے لوگوں نے بڑی تعدادمیں شرکت کی۔

کانفرنس کے شرکاء نے حسینیت ؑکے فروغ، دفاع وطن اور شیعہ سنی یکجہتی کیلئے ہر قربانی دینے کا عزم کیا۔ اس موقع پرقرآن خوانی،دعائیہ اجتماع اورمجلس عزاکاانعقاد بھی کیاگیا۔ اجتماع سے خطاب کرتے ہوئے تحریک نفاذفقہ جعفریہ پاکستان کے سربراہ علامہ آغاسیدحسین مقدسی نے خطاب کرتے ہوئے کہاکہ خانوادہ رسالتؐ سے محبت دائمی زندگی کی ضمانت ہے،حضرت امام حسینؑ نے بتایا زندگی عقیدہ و جہاد سے عبارت ہے،خانوادہ رسالت ص سے محبت دائمی زندگی کی ضمانت ہے، علامہ مقدسی نے اس عزم کااظہارکیاکہ قائد ملت جعفریہ آغا حامد موسوی کی محنتوں کا گلشن بکھرنے نہیں دیں گے،ایام عزا محرم الحرام کیلئے خط موسوی پر چلتے ہوئے ضابطہ عزاداری کا اعلان کریں گے، عزاداری پر کوئی رکاوٹ قبول نہیں کریں گے، کالعدم دہشت گرد گروپوں پر گرفت کی جائے، دہشت گردوں سے آہنی ہاتھوں سے نمٹا جائے،قائدملت جعفریہ آغاسید حامدعلی شاہ موسوی نے ساری زندگی غم حسین ؑکو ترجیح دی۔ انہوں نے کہاکہ آغا حامد موسوی نے وطن عزیز کے خلاف اٹھنے والی ہر سازش کا دفاع کیا، یزید نے توحید و رسالت پر ضرب لگائی جنہیں بچانے کیلئے امام حسین ع نے قیام کیا، استعماری قوتیں ذکر حسین ؑکو مٹا دینا چاہتی ہیں، قائد ملت جعفریہ آقای موسوی نے مادیت کے بجائے روحانیت کا درس دیا، آغا موسوی کی ذات پر ان کے مجتہد اساتذہ نے بھی فخر کیا، ولایت علی ؑ نفوس کی طہارت کی ضمانت ہے، انہوں نے کہاکہ نظریہ اساسی کے تحفظ کیلئے آغا حامد موسوی کے خط پر قائم رہیں گے،طاغوتی قوتیں آغا حامد موسوی کی ذات سے خوف کھاتی تھیں،آغا حامد موسوی کی ذات پاکستان پر اللہ کی نعمت تھی،شیعہ سنی یکجا ہوکر دشمن کی سازشیں کو ناکام کردیں گے، علامہ آغاسیدحسین مقدسی نے کہاکہ آغا حامد موسوی جو نقوش چھوڑے اس پر ثابت قدم رہیں گے،آغا حامد موسوی نے پاکستان میں خانہ جنگی کی سازش کو ناکام کیا۔

انہوں نے کہاکہ ولایت علی ؑ ختم نبوتؐ کی دلیل ہے،شیطانی قوتیں نظریہ اساسی کو مٹا کر قوم کو بے روح کرنا چاہتی ہیں،آغا حامد موسوی نے ساری زندگی عقیدہ ووطن کے تحفظ کیلئے بسر کی،۔ انہو ں نے کہاکہ کامیابی کی کنجی راہ حسینیت ہے جو بھی دین مصطفی ص کی نصرت کرے بقا و دوام پاتا ہے، شہدائے کربلا نے نصرت دین کیلئے لازوال کردار ادا کیا۔ مرکزی سیکرٹری اطلاعات علامہ سیدقمرحیدرزیدی نے قائدملت جعفریہ آغاسیدحامدعلی شاہ موسوی کے 38سال دورقیادت کومکتب تشیع کیلئے آبرومندی،شیعہ سنی اتحاداوردین ووطن کے خلاف سازشوں کوناکام بنانے، میلادالنبیؐ،ولائے علیؑ، عزاداری مظلوم کربلا، حرمت سادات، احترام مرجعیت اورمرکزیت کے فروغ کیلئے تاریخ کاسنہری باب قراردیا۔

اس موقع پر جاری کئے گئے اعلامیہ میں باورکرایاگیاکہ ملک میں انسداددہشت گردی کیلئے آقای موسوی کاپیش کردہ موسوی امن فارمولہ، کالعدم گروپوں کی بیرونی امدادپرپابندی لگانے کامطالبہ، مسلمہ مکاتب سے متصادم قوانین، متنازعہ نصاب تعلیم اورعزاداری پرپابندیاں مستردکرنے کاحامدموسوی موقف قوم وملک کیلئے بہترین گائیڈ لائن ہے جس پر ثابت قدم رہتے ہوئے قائدملت جعفریہ آغاسیدحامدعلی شاہ موسوی کی وضع کردہ پالیسی پرامانت ودیانت کے ساتھ قوم ثابت قدم رہے گی اورتحریک نفاذفقہ جعفریہ اپنے عظیم قائدکے نقش قدم پرچلتے ہوئے وطن دشمن قوتوں کی ہرسازش کوناکام بنادیں گے۔ برسی کے کنوینر حاجی مختارشاہ نے برسی میں شرکت اورتعزیت کرنے والے تمام مذہبی، سیاسی سماجی حلقوں کی مقتدرشخصیات سے دلی اظہارتشکرکیا۔ علامہ اظہرعباس حیدری، علامہ سیدمحمدعلی شاہ زیدی آل قاسم زیدی،ذاکر غلام عباس جپہ،ذاکر یاسر رضاجھنڈوی، ذاکر چوہدری ذوہب، علامہ سیدعلی رضازیدی، مولاناملک اجلال حیدرالحیدری اور دیگر ذاکرین نے بھی خطاب کیا۔ اس موقع پرمختلف علمائے کرام نے دعاکیلئے قرآنی سورتوں اورآیات کلام پاک کی تلاوت کی۔